Урехила изала Крымская геморрагическая лихорадка (КГЛ)

Ил дебали урехила ва чейхъуси изала саби. Ил дуг1ла миц1ираглизиб, хаслира г1ярмазиб, арцантазиб бирар. Илкьяйдали, ил изала бирули саби халах1яйвантазибра мазала маслизибра. Илдазибад ил изала адамтази чейхъахъу клещибани. Клещиби дирути сари зяг1ипти миц1ираглизир. Илди адамтачи кадирар, кьаркьа кам миц1ираглизи кьац1бики калунти х1или бялсахъу ва иличибли адам зяг1ипвиркахъу.

ГКГ имц1али леб Бабаюртла, Къизларла, Ногъайла, Кочубейла ва царх1илтира мераначиб. Илди мераначирти миц1ираглизирад сари клещиби нушачи садиутира.

Клещ кьац1бики 7 -12 барх1ила г1ергъи адам зяг1ипвиркур, илала кьаркьа буц1ардеш 39-40 градусличи абиркур, бек1 изес бирх1ур, къянкъубазирад, желудоклизирад ва царх1илтира мераначирад х1и датдулхъан, михъири ва кани изахъу.

Ца мисал: 10-15 барх1и гьалав Х1ерхмахьилизивадси ца адам ил изайзи викиб. Ил дек1ли зяг1ипвикиб, грипп сари или гьанбикили, заманаличив тухтуртачи дугьах1ейзур ва изала ц1акьбиуб. Ил сабабли ил Мях1ячкъалала больницала инфекционное отделениелизи арукес чебуркъуб.

Зяг1ипикибсила дурх1ни Кочубейла авлахъуначиб бузули уббухъун ва илдани хъайг1и 5-6 мазала-мас кили сари. Илдазибси клещ кьац1бики уббухъун иличи.

Авлахъуначирад дикути миц1ираг сари имц1али базуртачир дирцути ва лугьути. Илбагьандан гьарил миц1ираг, исути илала продуктуни чедетаахъили ахтардидирес чебиркур.

Чараагарли х1яжатбиркур ветуправлениела х1янчизартасра ил масъалаличи гьар барх1иласи, хасси пикри бях1чииэс.

З. Мях1яммадов,

эпидемиолог, ДР-ла урибси тухтур.